𝙇𝙄𝙂𝙏𝘼𝙎 𝙏𝙄𝙂𝘿𝘼𝙎: Measles-Rubella Supplemental Immunization Activity (MR-SIA)

Magsisimula ngayong Agosto 10–28, 2026 ang Measles-Rubella Supplemental Immunization Activity (SIA) ng San Manuel Community Health Center bilang bahagi ng kampanyang “Ligtas Tigdas.”

Inaanyayahan ang mga magulang at tagapag-alaga na pabakunahan ang kanilang mga anak na may edad 6 hanggang 59 buwan (wala pang 5 taong gulang) sa mga itinakdang vaccination sites. Kasama rin sa programa ang pagbibigay ng Vitamin A supplementation upang makatulong sa pagpapalakas ng resistensya ng mga bata.

Ang pagbabakuna ay isang mahalagang proteksyon laban sa tigdas at tigdas-hangin na maaaring magdulot ng malubhang komplikasyon, pagkaka-ospital, at maging sanhi ng pagkamatay.

Mga Paalala:

• Dalhin ang Child Health Booklet o vaccination card ng inyong anak kung mayroon.
• Libre po ang bakuna at Vitamin A supplementation.
• Dalhin ang inyong mga anak sa itinakdang araw ng Temporary Post o Fixed Post sa inyong barangay.

Magtungo sa pinakamalapit na health center o makipag-ugnayan sa inyong barangay nurse o midwife para sa karagdagang impormasyon.

Mula Agosto 10–28, 2026, sama-sama nating pangalagaan ang kalusugan ng ating mga anak. Magpabakuna para sa ligtas, malusog, at mas masayang kinabukasan ng bawat batang San Manueleños!