Matagumpay na Naisagawa ang Capacity Building Program para sa LCPC at BCPC

Matagumpay na naisagawa ng Pamahalaang Bayan ng San Manuel ang Program for Capacity Building para sa Local Council for the Protection of Children (LCPC) at Barangay Council for the Protection of Children (BCPC), kasabay ng Writeshop sa Pagbuo ng Comprehensive Barangay Juvenile Intervention Program (CBJIP), na ginanap noong Hulyo 27–29, 2026 sa San Manuel Cultural Center.

Sa loob ng tatlong araw, pinalalim ng programa ang kaalaman at kakayahan ng mga miyembro ng LCPC at BCPC sa usapin ng pangangalaga sa karapatan at kapakanan ng mga bata, juvenile intervention, at maayos na pagpaplano ng mga programang nakatuon sa kanilang proteksyon. Sa pamamagitan ng mga talakayan at writeshop, nabuo at napahusay ng bawat barangay ang kanilang Comprehensive Barangay Juvenile Intervention Program (CBJIP) na magsisilbing gabay sa pagpapatupad ng mga programang tumutugon sa pangangailangan ng mga batang nasa panganib at mga batang may kaso sa batas.

Ang matagumpay na pagsasagawa ng programang ito ay patunay ng patuloy na dedikasyon ng Pamahalaang Bayan ng San Manuel sa pagpapatibay ng mga mekanismo para sa proteksyon ng mga bata at kabataan, gayundin sa pagtataguyod ng mga ligtas, maayos, at mapagkalingang komunidad para sa bawat batang San Manuelino.

Lubos na nagpapasalamat ang Pamahalaang Bayan ng San Manuel sa lahat ng mga resource speakers, facilitators, katuwang na ahensya, at mga kalahok na naging bahagi ng matagumpay na programa.